Նիհարելու համար հարկ է կարգավորել քնի ռեժիմը. news.am

Նիհարել ցանկանալու դեպքում հաջողությունը երաշխավորված է, եթե բավականաչափ քնեք, պնդում են մասնագետները: The Sun Daily-ն հայտնում է, որ շատ սննդաբաններ հաշվի չեն առնում պացիենտների կյանքում քնի ժամերի քանակը, ինչը սխալ է, քանի որ քնի պակասը մեծացնում է ճարպակալման վտանգը: Դա տեղի է ունենում պարզագույն հոգնածության հետեւանքով. նվազում է ֆիզիկական ակտիվության մակարդակը, օրգանիզմը ճարպոտ կամ ածխաջրային սնունդ է փնտրում` ուժերը վերականգնելու համար:

Գիտնականները խորհուրդ են տալիս պառկել քնելու, հենց որ  հորանջելը «վրա հասնի»:  Ոչ մի սարսափելի բան չկա նրանում, որ  ժամը 22:00-ին քուն մտնեք: Ընդ որում, ոմանք իրենց բնույթով կարիք ունեն ավելի շատ քնելու (դա գեներով է կանխորոշված): Այդ պատճառով եթե, օրինակ, անգամ քնի հինգ ժամը հերիքում է, չարժե ստիպել երկար մնալ անկողնում: Առանձին հարց է լուսավորությունը: Վատ լույսով կամ ցերեկային լամպերով լուսավորված տարածքը խախտում է մելատոնինի` «քնի հորմոնի» կարգավորումը:

Հանգստյան օրերին արժե արթնանալ սովորական ժամին: Ավելի ցանկալի է ցերեկը 20 րոպե քնել, քան խախտել ռեժիմը: Իհարկե՛, երեկոյան խորհուրդ չի տրվում կոֆեինով սննդամթերք օգտագործել (սուրճ, թեյ, էներգետիկ ըմպելիք, սոդայաջուր, շոկոլադ): Կոֆեինը խթանում է նյարդային համակարգը եւ փոփոխում է մելատոնինի ու ադենոզինի` քնի համար կարեւոր երկու նյարդահաղորդիչների ակտիվությունը: 

Բացի այդ, քունն ազդում է նաեւ սննդակարգի վրա: Փակ շրջան է առաջանում: Ապացուցվել է, որ ճարպերի, ածխաջրերի ակտիվ օգտագործումը դանդաղեցնում է նյութափոխանակությունը եւ բարձրացնում մարմնի ջերմաստիճանը: Միաժամանակ, խորը քնի համար ջերմաստիճանի նվազում է անհրաժեշտ: Ալկոհոլն, իր հերթին, ի սկզբանե քնատություն է առաջացնում, սակայն խորը քնի փուլին անցնելիս կարող են խնդիրներ առաջանալ: Սպիրտային խմիչքները թույլ չեն տալիս, որ ադրենալին արտազատվի, խախտում են քնի կարգավորման համար անհրաժեշտ տրիպտոֆանի եւ սերոտոնինի ակտիվությունը:

Հարցեր, պատասխաններ, մեկնաբանություններ